Mening oʻzi nimam bor?:
Yaratilish — Sendan.
Ota-onam? — Sendan.
Doʻstlarim? — Sendan.
Ustozlar? — Sendan.
Oʻzi mening nimam bor?:
Ilm — Sendan.
Qobiliyat? — Sendan!
Isteʼdod? — Sendan.
Hikmat? — Sendan.
Quvvat? — Sendan.
Nimam bor oʻzi mening?:
Iymon — Sendan.
Hidoyat? — Sendan.
Tavfiq? — Sendan.
Ilhom? — Sendan.
Ruhiyat? — Sendan.
Bormi mening nimamdir?:
Muhabbat — Sendan.
Umid? — Sendan.
Sabr? — Sendan.
Hayot? — Sendan.
Mamot — Sendan!
Oʻzi bormi nimamdir?:
Taʼlim — Sendan.
Kasbim? — Sendan.
Darsim? — Sendan.
Oʻquvchilar? — Sendan.
Rivojlanish? — Sendan.
Kibrlanishga oʻrin yoʻq:
Hammasi — Sendan!
Bas, yuz oʻgirib ketsalar, sen: «Menga Allohning Oʻzi yetarli. Undan oʻzga ibodatga sazovor Zot yoʻq, Unga tavakkal qildim, U ulugʻ arshning Robbisidir», – degin. (9:129)