Barbara Ouklining «Raqamlar uchun yaralgan idrok» kitobi — matematika, fizika, kimyo va boshqa fanlarni tushunishga qiynaluvchilar uchun ajoyib qoʻllanma.
Kitobni oʻqib, maktab payti "sen matematikadan odam boʻlmaysan" - deb piching qilgan sinfdoshimning boshiga shu kitob bilan bir tushirgim keldi..
Yoshligida matematikani oʻlguday yomon koʻrgan — Barbara Ouklining asosiy sohasi rus tili mutaxassisi edi.
Ammo kareradagi muammolari uni aniq fanlar yoʻnalishida ishlashga majbur qiladi.
Matematikani oʻrganish va oʻrgatish yoʻlida oʻzi uchun kashf qilgan — turli hiylalar, masala yechish, tahlil va yodlashning turli usullari oʻquvchiga qoʻl kelishida shubha yoʻq.
Nafaqat matematika, balki barcha ustozlar va talabalar ushbu kitobdan:
- Oʻquvchilarning miyalari qanday ishlashi;
- dars qilishda samarali texnikalar;
- tasavvur kuchi va boshqa foydali maʼlumotlarni olishlari mumkin.
Blog davomida, kitobdan olgan xulosalarimni ulashib boraman..